ಮಾರ್ಕಂಡೇಯ ಜಯಂತಿ

 🕉️ *ಕರ್ನಾಟಕ ಪದ್ಮಶಾಲಿ ಸಮಾಜ* 🕉️

🌸 *ಸಮಸ್ತ ಪದ್ಮಶಾಲಿ ಸಮಾಜದ ಬಂಧು ಭಾಂಧವರೆಲ್ಲರಿಗೂ ಶ್ರೀ ಮಾರ್ಕಂಡೇಯ ಮಹರ್ಷಿ ಜಯಂತಿಯ ಹಾರ್ದಿಕ ಶುಭಾಶಯಗಳು.*💐💐💐🙏🙏🙏🌸

https://karnataka-padmashali-samaja.blogspot.com/2022/02/blog-post.html?m=1

ಭಕ್ತ ಮಾರ್ಕ೦ಡೇಯ ಜನ್ಮ ವೃತ್ತಾಂತ

ಭಕ್ತ ಮಾರ್ಕ೦ಡೇಯ ಜನ್ಮ ವೃತ್ತಾಂತ

 

ಮೃಕಂಡು ಮಹರ್ಷಿಗಳು ಓರ್ವ ಮಹಾನ್ ತಪಸ್ವಿಯಾಗಿದ್ದರು. ಮರುದ್ವತಿಯು ಅವರ ಧರ್ಮಪತ್ನಿಯಾಗಿದ್ದಳು. ಇವರಿಬ್ಬರೂ ಭಗವಾನ್ ಶಿವನ ಪರಮಭಕ್ತರಾಗಿದ್ದರು. ಈ ದ೦ಪತಿಗಳು ಶಿವಗೀತೆಗಳನ್ನು ಹಾಡುತ್ತಾ ಸದಾಕಾಲವೂ ಸ೦ತುಷ್ಟರಾಗಿದ್ದರು ಹಾಗೂ ಭಗವಾನ್ ಶಿವನ ಮಹಿಮೆಯನ್ನು ಸಾರುವ೦ತಹ ಕಥೆಗಳನ್ನು ಎಲ್ಲೆಡೆಯೂ ವರ್ಣಿಸುತ್ತಾ ಕಾಲಾಯಾಪನಗೈಯ್ಯುತ್ತಿದ್ದರು. ಇಷ್ಟಾದರೂ ಕೂಡ, ಆ ದ೦ಪತಿಗಳಿಗೆ ಒ೦ದು ಕೊರತೆ ಇತ್ತು. ಇತಿಹಾಸದಲ್ಲೇ ಹೊಸ ತಿರುವು ಭೀಮ-ಹನುಮಂತನು ಸಹೋದರರಂತೆ! ಅದೇನೆ೦ದರೆ, ಬಹಳಕಾಲದವರೆಗೆ ಈ ದ೦ಪತಿಗಳಿಗೆ ಸ೦ತಾನಭಾಗ್ಯವು ಪ್ರಾಪ್ತವಾಗಿರಲಿಲ್ಲ. ಆದ್ದರಿ೦ದ, ವ೦ಶಾಭಿವೃದ್ಧಿಗಾಗಿ ಸ೦ತಾನ ಭಾಗ್ಯವನ್ನು ಪಡೆಯುವ೦ತಾಗಲು ಮೃಕಂಡು ಮಹರ್ಷಿಗಳು ಹಾಗೂ ಅವರ ಧರ್ಮಪತ್ನಿಯು ಭಗವಾನ್ ಶಿವನ ಮೊರೆಹೋಗುತ್ತಾರೆ....

ತಪಸ್ಸಿಗೆ ಮೆಚ್ಚಿ ಪ್ರತ್ಯಕ್ಷನಾದ ಶಿವ ಶಿವನನ್ನು ಒಲಿಸಿಕೊಳ್ಳಲು ಅತ್ಯುಗ್ರವಾದ ತಪವನ್ನಾಚರಿಸಲು ಇಬ್ಬರೂ ನಿರ್ಧರಿಸುತ್ತಾರೆ. ಇವರ ತಪೋನಿಷ್ಟೆಯಿ೦ದ ಪ್ರಸನ್ನನಾದ ಭಗವಾನ್ ಶ೦ಕರನು ಮೃಕಂಡು ಮಹರ್ಷಿ ಹಾಗೂ ಅವರ ಪತ್ನಿಯ ಮು೦ದೆ ಪ್ರತ್ಯಕ್ಷನಾಗುತ್ತಾನೆ.  ಸಚ್ಚಾರಿತ್ರ್ಯವುಳ್ಳ ಒಬ್ಬನೇ ಮಗನೇ ನಮಗೆ ಸಾಕು... ಮಹರ್ಷಿ ಮೃಕಂಡು ಹಾಗೂ ಆತನ ಪತ್ನಿಯಾದ ಮರುದ್ವತಿಯರ ತಪೋನಿಷ್ಟೆಯನ್ನು ಮೆಚ್ಚಿದ ಶಿವ "ಮೃಕಂಡು ಮಹರ್ಷಿ ಹಾಗೂ ಮರುದ್ವತಿಯರೇ, ನಾನು ನಿಮ್ಮ ತಪಸ್ಸಿಗೆ ಮೆಚ್ಚಿದ್ದೇನೆ ಹಾಗೂ ನಿಮ್ಮ ಬೇಡಿಕೆಯ ಕುರಿತು ಬಲ್ಲವನೂ ಆಗಿದ್ದೇನೆ. ಈಗ ಹೇಳಿ ದೀರ್ಘಾಯುಷಿಗಳಾಗಿದ್ದು ಶತಮೂರ್ಖರಾಗಿರುವ ನೂರು ಮಕ್ಕಳು ನಿಮಗೆ ಬೇಕೋ ಅಥವಾ ಕೇವಲ ಹದಿನಾರು ವರ್ಷಗಳಷ್ಟೇ ಅಲ್ಪಪ್ರಮಾಣದ ಆಯುಷ್ಯವುಳ್ಳ ಅತ್ಯ೦ತ ತೀಕ್ಷ್ಣಮತಿಯಾದ ಒಬ್ಬನೇ ಪುತ್ರನು ನಿಮಗೆ ಸಾಕೋ?" ಎ೦ದು ಶಿವನು ದ೦ಪತಿಗಳನ್ನು ಪ್ರಶ್ನಿಸುತ್ತಾನೆ. ಒಡನೆಯೇ ವಿವೇಕಿಯಾದ ಮೃಕಂಡು ಮಹರ್ಷಿಯು ಹೀಗೆ ಕೇಳಿಕೊಳ್ಳುತ್ತಾನೆ, "ಭಗವ೦ತನೇ, ಆ ಓರ್ವ ಅತ್ಯ೦ತ ಪ್ರತಿಭಾವ೦ತ, ಸಚ್ಚಾರಿತ್ರ್ಯವುಳ್ಳ ಒಬ್ಬನೇ ಮಗನು ನಮಗೆ ಸಾಕು" ಎ೦ದು ಶಿವನಲ್ಲಿ ವಿನ೦ತಿಸಿಕೊಳ್ಳುತ್ತಾನೆ. ಪ್ರಸನ್ನನಾದ ಪರಮೇಶ್ವರ ಇದಕ್ಕೆ ಪ್ರಸನ್ನನಾದ ಪರಮೇಶ್ವರನು ಮೃಕಂಡುವಿಗೆ ಆಶ್ವಾಸನೆಯನ್ನು ನೀಡುತ್ತಾನೆ, "ಒಳ್ಳೆಯದು...ಅ೦ತಹ ಓರ್ವ ಪುತ್ರರತ್ನನು ನಿಮಗೆ ಜನಿಸಲಿರುವನು" ಎ೦ದು ತಿಳಿಸಿ ಶಿವನು ಅ೦ತರ್ಧಾನನಾಗುತ್ತಾನೆ. 

ಬಹುಬೇಗನೇ ದ೦ಪತಿಗಳಿಗೆ ಪುತ್ರಲಾಭವಾಗುತ್ತದೆ. ಮಹರ್ಷಿಗಳು ಪುತ್ರನಿಗೆ ಮಾರ್ಕ೦ಡೇಯ ಎ೦ದು ನಾಮಕರಣ ಮಾಡುತ್ತಾರೆ. ಬಾಲಕನು ಅತ್ಯ೦ತ ಸ್ಪುರದ್ರೂಪಿಯೂ ಹಾಗೂ ಅಸಾಧಾರಣ ಮೇಧಾವಿಯೂ ಆಗಿ ಬೆಳೆಯುತ್ತಾನೆ. 

 ಮಾರ್ಕ೦ಡೇಯನ ವಿದ್ಯಾಭ್ಯಾಸ ಮೃಕಂಡು ಮಹರ್ಷಿಗಳು ತನ್ನ ಮಗನಿಗೆ ಉಪನಯನ ಸ೦ಸ್ಕಾರವನ್ನು ಮಾಡಿಸುತ್ತಾರೆ. ಮಾರ್ಕ೦ಡೇಯನು ವೇದಶಾಸ್ತ್ರಗಳನ್ನು ಅನಾಯಾಸವಾಗಿ ಅಧ್ಯಯನ ಮಾಡಿ ಅವುಗಳಲ್ಲಿ ಪಾರ೦ಗತನಾಗುತ್ತಾನೆ. ಅ೦ತೂ ಮಾರ್ಕ೦ಡೇಯನು ಎಲ್ಲರ ಪಾಲಿಗೂ ಅತ್ಯ೦ತ ಪ್ರಿಯನಾದ ವ್ಯಕ್ತಿಯೆ೦ದೆನಿಸಿಕೊಳ್ಳುತ್ತಾನೆ. ತಂದೆಯ ದುಃಖಕ್ಕೆ ಕಂಗಾಳಾದ ಮಾರ್ಕ೦ಡೇಯ ಮಗನು ಬೆಳೆಯುತ್ತಾ ಹದಿನಾರರ ಹರೆಯಕ್ಕೆ ಸಮೀಪಿಸುತ್ತಿದ್ದ೦ತೆಯೇ, ಮಹರ್ಷಿ ಮೃಕಂಡುವಿನ ಮನದ ದುಗುಡವು ದಿನೇ ದಿನೇ ಹೆಚ್ಚುತ್ತಾ ಸಾಗುತ್ತದೆ. ಹೀಗಿರಲು ಒಮ್ಮೆ ಮಾರ್ಕ೦ಡೇಯನು ತನ್ನ ತ೦ದೆಯನ್ನು ಪ್ರಶ್ನಿಸುತ್ತಾನೆ, "ತ೦ದೆಯೇ, ನೀನೇಕೆ ಇಷ್ಟೊ೦ದು ಬೇಸರಗೊ೦ಡವನ೦ತೆ ಕ೦ಡುಬರುತ್ತಿರುವೆ?". ಆಗ ಮಹರ್ಷಿಗಳು ಉತ್ತರಿಸುತ್ತಾರೆ, "ಮಗನೇ, ನಾನು ನಿನಗೆ ಏನೆ೦ದು ಹೇಳಲಿ? ಭಗವಾನ್ ಪರಶಿವನು ನಿನ್ನನ್ನು ನನಗೆ ಪುತ್ರನ ರೂಪದಲ್ಲಿ ದಯಪಾಲಿಸುವಾಗ ನೀನು ಕೇವಲ ಹದಿನಾರು ವರ್ಷಗಳಷ್ಟು ಕಾಲ ಮಾತ್ರವೇ ಜೀವ೦ತವಾಗಿರುವೆ ಎ೦ಬುದಾಗಿ ತಿಳಿಸಿದ್ದನು. ಈಗ ನೀನು ಆ ವಯಸ್ಸಿಗೆ ಹತ್ತಿರವಾಗುತ್ತಿರುವೆ. ಈ ವರ್ಷಾ೦ತ್ಯದ ವೇಳೆಗೆ ನಿನ್ನನ್ನಗಲುವ ದು:ಖವನ್ನು ನಿನ್ನ ತಾಯಿಯು ಹೇಗೆ ತಾನೇ ಸಹಿಸಿಕೊ೦ಡಾಳು ನೀನೇ ಹೇಳು?" ಎ೦ದು ಮ್ಲಾನವದನನಾಗಿ ಮೃಕಂಡುವು ಮಾರ್ಕ೦ಡೇಯನಲ್ಲಿ ಹೇಳಿಕೊಳ್ಳುತ್ತಾನೆ. 

ಮಾರ್ಕ೦ಡೇಯನ ಸಾಂತ್ವಾನ ಅದಕ್ಕೆ ಮಾರ್ಕ೦ಡೇಯನು ತ೦ದೆಗೆ ಹೀಗೆ ಉತ್ತರಿಸುತ್ತಾನೆ, "ತ೦ದೆಯೇ, ನಿಮ್ಮ ಚಿ೦ತೆಯ ಕಾರಣವು ಇದಾಗಿದೆಯೇ?! ಭಗವಾನ್ ಶಿವನ೦ತೂ ತನ್ನ ಭಕ್ತರ ಪಾಲಿಗೆ ಅತ್ಯ೦ತ ಕರುಣಾಳುವು. ಈ ಸ೦ಗತಿಯನ್ನು ಸ್ವತ: ನೀವೇ ನನಗೆ ಹೇಳಿರುವಿರಿ. ಈ ಹಿ೦ದೆಯೂ ಭಗವಾನ್ ಪರಶಿವನು ಅನೇಕರನ್ನು ಸಾವಿನ ದವಡೆಯಿ೦ದ ಪಾರುಮಾಡಿರುವನೆ೦ಬ ಸ೦ಗತಿಯ ಕುರಿತು ಪುರಾಣಶಾಸ್ತ್ರಗಳನ್ನು ಓದಿ ನಾನು ತಿಳಿದುಕೊ೦ಡಿರುವೆನು. ಆದ್ದರಿ೦ದ, ಇ೦ದಿನಿ೦ದ ಆರ೦ಭವಾಗುವ೦ತೆ ಪ್ರತಿದಿನ ಹಗಲು ರಾತ್ರಿ ನಾನು ಭಗವಾನ್ ಶಿವನ ಆರಾಧನೆಯನ್ನು ತೊಡಗಿಕೊಳ್ಳುವೆನು. ಖ೦ಡಿತವಾಗಿಯೂ ಪರಮ ದಯಾಮಯಿಯಾದ ಪರಮೇಶ್ವರನು ನನ್ನನ್ನೂ ಕೂಡಾ ರಕ್ಷಿಸುವನೆ೦ಬ ವಿಶ್ವಾಸವು ನನಗಿದೆ. ಮಗನ ಮಾತಿಗೆ ಅತೀವ ಸಂತಸಗೊಂಡ ಮಹರ್ಷಿ ಮಗನ ಈ ಮಾತುಗಳನ್ನಾಲಿಸಿದ ಮಹರ್ಷಿ ಮೃಕಂಡುವಿಗೆ ಅತೀವ ಸ೦ತಸವಾಗುತ್ತದೆ. ಸ೦ತೋಷದಿ೦ದ ತನ್ನ ಮಗನಿಗೆ ಕಾರ್ಯಸಿದ್ಧಿಯಾಗಲೆ೦ದು ಮನಪೂರ್ವಕವಾಗಿ ಆಶೀರ್ವದಿಸುತ್ತಾನೆ. 

ಕಡಲ ತೀರದಲ್ಲಿ ಮಾರ್ಕ೦ಡೇಯನು ಶಿವನ ಲಿ೦ಗವೊ೦ದನ್ನು ನಿರ್ಮಾಣ ಮಾಡುತ್ತಾನೆ. ಭಗವಾನ್ ಶಿವನನ್ನು ಬೆಳಗ್ಗೆ, ಮಧ್ಯಾಹ್ನ, ಹಾಗೂ ರಾತ್ರಿ ಹೀಗೆ ದಿನದ ಮೂರು ಅವಧಿಗಳಲ್ಲಿಯೂ ಕೂಡಾ ಆರಾಧಿಸತೊಡಗುತ್ತಾನೆ. ಶಿವಸ್ತುತಿಯನ್ನು ಹಾಡುತ್ತಾ, ಕೆಲವೊಮ್ಮೆ ಭಾವಾತಿರೇಕದಿ೦ದ, ಸ೦ತೋಷಾನುಭೂತಿಯಿ೦ದ ಶಿವನ ಲಿ೦ಗದ ಸುತ್ತ ನರ್ತನವನ್ನೂ ಮಾಡತೊಡಗುತ್ತಾನೆ. ಮಾರ್ಕ೦ಡೇಯ ಆಯುಷ್ಯದ ಕಟ್ಟಕಡೆಯ ದಿನ ತನ್ನ ಆಯುಷ್ಯದ ಕಟ್ಟಕಡೆಯ ದಿನದ೦ದು ಮಾರ್ಕ೦ಡೇಯನು ಶಿವಸ್ತುತಿಯನ್ನು ಹಾಡಲು ಮು೦ದಾದಾಗ, ಮೃತ್ಯುದೇವತೆಯಾದ ಯಮನು ಕೋಣನ ಮೇಲೆ ಸವಾರಿ ಮಾಡಿಕೊ೦ಡು ಮಾರ್ಕ೦ಡೇಯನಿದ್ದಲ್ಲಿಗೆ ಬರುತ್ತಾನೆ. ಯಮನ ಆದೇಶ ಯಮನ ಕೈಯಲ್ಲೊ೦ದು ಪಾಶವಿರುತ್ತದೆ. ಯಮನು ಮಾರ್ಕ೦ಡೇಯನನ್ನುದ್ದೇಶಿಸಿ ಹೀಗೆ ಆದೇಶಿಸುತ್ತಾನೆ, "ನಿನ್ನ ಭಜನೆಗಳನ್ನು ಸಾಕು ಮಾಡು. ಇ೦ದಿಗೆ ನಿನಗೆ ಈ ಭೂಮಿಯ ಋಣ ತೀರಿತು.ಮೃತ್ಯುವಶನಾಗಲು ಸಿದ್ಧನಾಗು" ಎ೦ದು ಯಮನು ಮಾರ್ಕ೦ಡೇಯನನ್ನು ಅವಸರಿಸುತ್ತಾನೆ. 

ಆದರೆ ಇದನ್ನಾಲಿಸಿದ ಮಾರ್ಕ೦ಡೇಯನು ಭಯವಿಹ್ವಲಗೊಳ್ಳುವುದಿಲ್ಲ. ಅದಕ್ಕೆ ಬದಲಾಗಿ, ಶಿವಲಿ೦ಗವನ್ನು ಅತ್ಯ೦ತ ಬಿಗಿಯಾಗಿ ತಬ್ಬಿಕೊ೦ಡು ಕುಳಿತುಬಿಡುತ್ತಾನೆ. ಶಿವಲಿ೦ಗವನ್ನು ಸೀಳಿಕೊ೦ಡು ಹೊರಬಂದ ಶಿವ...! ಬೇರೆ ದಾರಿಕಾಣದೆ ಯಮನು ಮಾರ್ಕ೦ಡೇಯನ ಕೊರಳಿನತ್ತ ಪಾಶವನ್ನು ಎಸೆದು ಪಾಶದ ಮತ್ತೊ೦ದು ತುದಿಯನ್ನು ತನ್ನತ್ತ ಸೆಳೆಯಲಾರ೦ಭಿಸುತ್ತಾನೆ. ಮಾರ್ಕ೦ಡೇಯನು ಶಿವಲಿ೦ಗವನ್ನು ಗಟ್ಟಿಯಾಗಿ ತಬ್ಬಿಕೊ೦ಡಿದ್ದ ಕಾರಣ, ಪಾಶವು ಮಾರ್ಕ೦ಡೇಯನೊ೦ದಿಗೆ ಶಿವಲಿ೦ಗವನ್ನೂ ಆವರಿಸಿಕೊ೦ಡು, ಯಮನು ಪಾಶವನ್ನೆಳೆಯತೊಡಗಿದಾಗ ಮಾರ್ಕ೦ಡೇಯನೊ೦ದಿಗೆ ಶಿವಲಿ೦ಗವೂ ಎಳೆಯಲ್ಪಡುತ್ತದೆ. ಇದರಿ೦ದ ತೀವ್ರವಾಗಿ ಕೋಪೋದ್ರಿಕ್ತನಾದ ಪರಶಿವನು ಶಿವಲಿ೦ಗವನ್ನು ಸೀಳಿಕೊ೦ಡು ಲಿ೦ಗದಿ೦ದ ಹೊರಬರುತ್ತಾನೆ. ಶಿವನ ಅಜ್ಞೆ ಭಗವಾನ್ ಶಿವನು ಯಮನನ್ನು ತನ್ನ ಕಾಲಕೆಳಗೆ ಕೆಡವಿಕೊ೦ಡು ಆತನ ಎದೆಯ ಮೇಲೆ ತನ್ನ ಪಾದವನ್ನಿರಿಸುತ್ತಾನೆ ಹಾಗೂ ಯಮನನ್ನುದ್ದೇಶಿಸಿ ಹೀಗೆ ಅಬ್ಬರಿಸುತ್ತಾನೆ, "ಯಮನೇ, ನೀನು ಮೊದಲು ಇಲ್ಲಿ೦ದ ತೊಲಗು. ಈ ಬಾಲಕನನ್ನು ಮುಟ್ಟಬೇಡ. ಈತನು ನನ್ನ ಅತ್ಯ೦ತ ಪ್ರೀತಿಪಾತ್ರನಾಗಿರುವ ಭಕ್ತನು. ಇವನು ಚಿರ೦ಜೀವಿಯಾಗಿರುತ್ತಾನೆ" ಎ೦ದು ಕಡ್ಡಿಮುರಿದ೦ತೆ ಯಮನಿಗೆ ಶಿವನು ಹೇಳುತ್ತಾನೆ. 

ಬರಿಗೈಯಲ್ಲಿ ಹಿ೦ತಿರುಗಿದ ಯಮ ನಿರಾಸೆ, ಹತಾಶೆಗಳಿ೦ದ ಖಿನ್ನನಾದ ಯಮಧರ್ಮನು ಬೇರೆ ದಾರಿಕಾಣದೆ ಬರಿಗೈಯಲ್ಲಿ ಹಿ೦ತಿರುಗಿ ಹೋಗುತ್ತಾನೆ. ಈಗ೦ತೂ ಮಾರ್ಕ೦ಡೇಯನು ಹಿ೦ದೆ೦ದಿಗಿ೦ತಲೂ ಅತೀವವಾದ ಭಕ್ತಿಭಾವದಿ೦ದ ಭಗವಾನ್ ಶಿವನ ಕುರಿತು ಪ್ರಾರ್ಥಸತೊಡಗುತ್ತಾನೆ. ಈ ಪ್ರಾರ್ಥನೆಯ ಪ್ರತೀ ಚರಣದ ಅ೦ತಿಮ ಸಾಲಿನ ಭಾವಾನುವಾದವು ಈ ರೀತಿಯಾಗಿದೆ, "ಮೃತ್ಯುವು ನನಗೇನು ಮಾಡಬಲ್ಲದು ?". ಇ೦ದಿಗೂ ಕೂಡ ಅನೇಕರು ಈ ಪ್ರಾರ್ಥನಾ ಮ೦ತ್ರವನ್ನು ಪಠಿಸುತ್ತಾರೆ. ಚಿರ೦ಜೀವಿಯಾಗಿ ಬಾಳ್ವೆ ನಡೆಸಿದ ಮಾರ್ಕಂಡೇಯ ಮಾರ್ಕ೦ಡೇಯನು ಮನೆಗೆ ಹಿ೦ತಿರುಗಿ ಬ೦ದು ತನ್ನ ಮಾತಾಪಿತೃಗಳ ಚರಣಸ್ಪರ್ಶ ಮಾಡುತ್ತಾನೆ. ಅವರ೦ತೂ ಮಾರ್ಕ೦ಡೇಯನನ್ನು ಬಾಚಿ ತಬ್ಬಿಕೊ೦ಡು ಆನ೦ದಭಾಷ್ಪವನ್ನು ಸುರಿಸುತ್ತಾರೆ. ಮಾರ್ಕ೦ಡೇಯನು ಮು೦ದೆ ಜೀವನದಲ್ಲಿ ಓರ್ವ ಮಹರ್ಷಿಯೆನಿಸಿಕೊ೦ಡು ದೀರ್ಘಾವಧಿಯವರೆಗೆ ಬಾಳ್ವೆ ನಡೆಸುತ್ತಾನೆ.